“Stellenbosch is by uitstek geskik om ’n universiteitsdorp te wees – hier sal die moeë brein nuwe inspirasie vind, hier kan die trae intuïsie sy odes en sonnette skep.” – Die Stellenbosse Student – Maart 1937
Die Universiteit Stellenbosch herdenk vanjaar sy eeufees met ’n ryklik geïllustreerde publikasie, Universiteit Stellenbosch 100: 1918-2018.
Op 2 April 1918 is Victoria Kollege se status verhoog na dié van die onafhanklike Universiteit van Stellenbosch (US). Oor die volgende eeu sou die US sy hoëronderwysrol binne die uitdagende politieke, sosio-ekonomiese, kulturele en opvoedkundige werklikhede van die 20ste eeu vertolk. In die eerste deel van die boek, Perspektiewe op 100 Jaar, deel sewe skrywers hierdie geskiedenis vanaf die Universiteit se ontstaan deur verskeie uitdagings heen, insluitend politiek en finansieel, tot wat dit beteken om ’n Matie te wees, op akademiese gebied én in die sport- en studentelewe.
In die tweede deel bied die skrywers ’n blik op die akademiese aktiwiteite oor ’n eeu heen, soos gesien deur die oë van sy 10 fakulteite. Op hierdie bladsye, geskryf deur verskeie lede van die Universiteit se akademiese gemeenskap, kan u die pad volg van ’n Universiteit wat gegroei het van ’n handjievol mense wat hulle aan die voet van die Stellenbosse berge kom vestig het tot ’n lewendige en kosmopolitaanse gemeenskap van meer as 30 000 studente en 3 000 personeellede, versprei oor die vyf kampusse van hierdie wêreldklas akademiese instelling.
“’n Universiteit is nie ’n lesingteater, of ’n biblioteek, of ’n laboratorium nie; dit is glad nie ’n gebou of ’n plek nie; die kern daarvan is ’n ingesteldheid; die ware karakter van ’n universiteit is die ‘wil tot kennis’.” – SJ Shand: The making of a University
Kliek hieronder om deur enkele bladsye van die boek te blaai.
Kies jou uitgawe
Standaarduitgawe:
Hardeband met foelie gedebosseleer.
In Afrikaans en Engels beskikbaar.
Gewone prys: R750 per boek.
Spesiale aanbod aan US alumni: R600 per boek.
Slegs R500 per boek vir bestellings van 5 of meer boeke (posgeld uitgesluit).
Versamelaarsuitgawe:
In leer gebind met verhewe band en die titel in silwer foelie.
Slegs 100 elk in Afrikaans en Engels beskikbaar.
Onderteken deur die US-rektor met die naam van die ontvanger gekalligrafeer in die boek.
Prys: R2 500 per boek (posgeld uitgesluit).
Boekspesifikasies
Papier:
Deel 1: Teks gedruk op 120 gsm Cartridge
Deel 2: Teks gedruk op 130 gsm Matt Art
Formaat:
270 mm diep x 205 mm wyd
Grootte:
536 vokleurbladsye plus agterste blaaie
Bestelinligting
– 1 x Boek = 30 x 20 x 10cm @ 2.5kg (Raming)
– 2 x Boeke = 35 x 30 x 15cm @ 5kg (Raming)
– 4 x Boeke = 70 x 60 x 30cm @ 10kg (Raming)
– 6 x Boeke = 45 x 30 x 21cm @ 15kg (Raming)
– 8 x Boeke = 45 x 30 x 21cm @ 20kg (Raming)
Bankinligting vir SA betalings:
Banknaam: Standard Bank
Rekeningnaam: US-depositorekening
Huidige rekeningnommer: 073006955
Takkode: 050610
Datum wat rekening geopen is: 1999-11-19
Verwysing: R9805 – VAN VOORLETTER
Bewys van betaling: Stuur elektronies aanccerasmus@sun.ac.za
Bankinligting vir internasionale betalings:
Banknaam: First National Bank
Taknaam: Stellenbosch
Universele takkode: 250-655
Rekeningnommer: 62107177083
Rekeningtipe: Tjekrekening
SWIFT kode: FIRNZAJJ
Verwysing: R9805 – VAN VOORLETTER
Bewys van betaling: Stuur elektronies aan ccerasmus@sun.ac.za
Donderdag 1 Maart 2018 was die amptelike bekendstelling van die Universiteit Stellenbosch (US) se Eeufeespublikasie, Universiteit Stellenbosch 100: 1918-2018, en die amptelike opening van die Eeufeesuitstalling by die Universiteitsargief op die Stellenbosch-kampus.