So het die einde van die squash seisoen ook aangebreek die week.  Met 'n baie suksesvolle seisoen agter die rug het die squash span deurgedring na die finaal op Dinsdag 2 Oktober teen Majuba.

Met 'n baie harde semifinaal teen Pieke agter die rug was die finaal spelitjies teen Majuba.  Poodle, Helderberg nommer vier, het sy semifinaal in 'n harde wedstryd 3-0 verloor.  Daarna het Drikus Human, Helderberg nommer drie, 'n uitstekende terugveg poging gewys om van 2-0 agter terug te kom en die wedstryd 3-2 te wen met 'n uitstekende laaste drie potte.  Dit het vir Fibbo (Marc Rudolph), Helderberg nommer 2, gelos om ook sy wedstryd te wen om seker te kon maak dat ons sou kon deurdring na die finaal.  Hy het met 'n pragtige vertoning in 'n naelbyt wedstryd ook 3-2 gewen.  Laastens aan die beurt was Wian Louwrens, Helderberg nommer 1 en oud maties nommer 1.  Hy het sonder moeite sy wedstryd 3-0 gewen.

So het die finaal toe aangebreek.  Majuba se nommer vier speler kon eers later aansluit by die kragmeting.  Drikus was nou eerste aan die beurt.  Met weereens 'n pragtige vertoning het Drikus sy wedstryd 3-0 gewen en het "untouchable" gelyk.  Daarna het Fibbo dieselfde gedoen en met gemak ook 3-0 gewen.  Dit het nou net vir Wian oorgebly om te wen om seker te maak die beker kom Republiek toe.  Weereens soos in die semifinaal het dit gelyk of hy niks kon verkeerd doen nie en sy uitslag was ook 3-0.  Laaste aan die beurt was toe Poodle.  Hier in die finaal het hy seker gemaak dat hy regmaak wat verkeerd gegaan het in die semifinaal teen Pieke.  Met 'n effens harder wedstryd as die res kon hy ook 3-0 wen.

Dit het dan die squash ook op 'n hoogte punt afgesluit die jaar om skoonskip te wen in die finaal.  Ons wil net baie dankie sê aan almal wat die jaar bygedra het tot die squash se sukses.

So het die koshuis rugby liga tot 'n einde van die seisoen gekom wat groep wedstryde betref.  Die eerste span het maar swaar getrek die jaar sonder al die ondervinding van laasjaar se ervare spelers wat nie meer in die koshuis is nie en verskeie ander spelers wat opgetrek is Maties toe.

Die eerstespan se laaste wedstryd vir die seisoen was teen Dagbreek en dit was ene vir die boeke.  Die Swarras het meeste van die wedstryd gedomineer maar was teen halftyd reeds 10-0 agter.  Dagbreek het van hulle kanse gebruik gemaak en elke keer punte aangeteken as hulle in die Swarras se 22 gekom het.  Net na halftyd het die losskakel van Dagbreek weer deurgebreuk en onder die pale gaan druk om die telling 17-0 te maak.

Daar het skielik 'n verandering in die span gekom toe 'n paar impak reserwes op die veld gekom het en die bal bietjie begin rondgooi het.  Muffin, vaskopstut, het gesorg vir lekker opwinding toe hy die lyn gebreuk het, net soos 'n senter kan, om die eerste drie te gaan druk.  Takuza het geslaag met die skop om die telling 17-7 vir Dagbreek te maak.

Minute later was dit weer Muffin wat oorgeduik het om die telling 17-14 te maak vir Dagbreek.  Met slegs minute oor in die wedstryd kon almal die spanning langs die veld voel, almal het geweet iets groots is aan die gebeur.