Die Sentrum vir Studentegemeenskappe beoog om ’n veilige omgewing te skep waar studente aan die Universiteit Stellenbosch die geleentheid kry om ten volle as studente te ontwikkel – beide op akademiese en sosiale  vlak. As ‘n student aan die US is jy reeds deel van ‘n kleiner studentegemeenskap, hetsy as lid van ‘n koshuis, kluster of PSO. Hierdie kleiner gemeenskappe word geskep sodat jy nuwe vriendskappe kan ontwikkel, aan kampusaktiwiteite kan deelneem en ook sodat jy akademiese ondersteuning van jou mede studente kan kry.

Neem asseblief deel en maak die beste van jou jare as ’n Matie!