Taalverwerwing

Het jy al gewens jy kan jou tong gemaklik om daardie Xhosa-klapklanke vou? Om ʼn derde taal magtig te wees gee jou nie net ʼn voorsprong in jou loopbaan nie, maar stel jou ook bloot aan ʼn ander kultuur en bied jou die geleentheid om met soveel méér mense te kommunikeer.

As jy nog altyd wou leer Xhosa praat, maar nog nooit daarvoor tyd gemaak het nie, is dít jou kans. Ons Masabelane ngesiXhosa-kursus is vir alle US-personeel beskikbaar.

In hierdie kursus sal jy onder andere leer:

  • Hoe om iemand te groet en jouself voor te stel
  • Hoe om iemand vir ete of ʼn drankie te nooi
  • Hoe om telefoonoproepe te maak of te beantwoord
  • Hoe om rigtingaanwysings op kampus en elders te gee
  • Hoe om by ʼn vulstasie hulp te vra

Masabelane (Kom ons deel): Xhosa vir beginners word gedurende die volgende tydperk op sowel die Stellenbosch- as Tygerbergkampus aangebied:

  • 23 April – 30 May 2019

Die kursus vind plaas op Dinsdae en Donderdae van 13:00 tot 14:00.

Skakel gerus met Fredelene Nefdt by 021 808 9097 vir meer inligting. Die grootte van die klasse word beperk om individuele aandag te verseker, so skryf nóú in om teleurstelling te voorkom!

Om ʼn nuwe taal aan te leer is ʼn opwindende uitdaging en is dalk glad nie so moeilik as wat jy dink nie!