Jy wil dalk jou ervaring kom deel oor ’n nuwe of innoverende aspek wat jy in jou onderrig- of assesseringspraktyk probeer het. Het dit gewerk of nie? Miskien het jy ’n grootskaalse behoeftebepaling gedoen wat verwant is aan jou onderrig of jy het op iets interessants afgekom tydens die ontleding van die resultate van jou studente se assesserings. Het jy in samewerking met ander kollegas in jou departement, fakulteit, of selfs oor dissiplinêre grense heen ’n onderrigverwante aspek ondersoek? Het jy navorsing gedoen oor jou onderrig of assessering? Of dalk het jy nuwe idees wat jy graag wil deel en bespreek.

Kom deel jou passie, jou nuus en jou resultate met ons in ’n aanbieding of as ’n plakkaat!

---

1. Hoe om ‘n abstrak/bydrae in te dien

Elkeen wat ‘n aanbieding of ‘n plakkaat wil kom deel moet ‘n asbtrak indien. NEEM KENNIS: Ons wil graag die nasien en terugvoer van abstrakte versnel. Om dit te bewerkstellig sal elke indiening onmiddelik aan ‘n nasiener geallokeer word. Maak asseblief daarom seker dat die abstrak volledig en korrek is wanneer dit ingedien word, en dien dit asb. gouer liewer as later in.

1. Gaan na die indieningsblad: Oxford Abstracts
2. Indien jy voorheen hierdie webblad gebruik het sleutel asseblief jou US e-posadres in. Indien jy nie jou vorige wagwoord kan onthou nie, klip op ‘Forgot password?’ end volg die aangeduide stappe.
3. Indien jy nog nooit hierdie webblad gebruik het nie, klik op Create an account.
   • BELANGRIK: Klik op die Continue with email opsie en teken in met jou US e-posadres.
   • Jy sal ‘n bevestigende e-pos in jou US inboks ontvang. Klik op die Verify email skakel.
   • Vandaar sal jy teruggeneem word na die webblad.
4. Voltooi al die velde in die indieningsvorm en klik op Submit. Jy sal ‘n e-pos ontvang om jou indiening te bevestig.
5. BELANGRIK: Jy sal nie jou indiening kan redigeer nie, aangesien ons jou indiening onmiddelik aan die nasiener sal allokeer.

2. Kriteria vir die abstrakte/bydraes

3. Algemene kriteria

• Die titel van die aanbieding moet nie langer as 10 woorde wees nie.
• Die abstrak self moet tussen 200 en 250 woorde wees.
• Die abstrak moet reeds taalversorg wees wanneer dit ingedien word.
• Die abstrak moet inteksverwysings (outeur en datum) bevat, maar ʼn bronnelys is nie nodig nie.
• Die abstrak behoort vir ‘n wye spektrum lesers verstaanbaar te wees.
• Die abstrak moet teen 30 September 2024 ingedien word.
• Hierdie dokument bevat inligting oor hoe die AvOL pryswenners bepaal word plus die kriteria wat deur die beoordelaars gebruik word
• Let asseblief daarop dat die hoofnavorser daarvoor verantwoordelik is om die nodige (1) etiekgoedkeuring en/of (2) institusionele toestemming te bekom, en te sorg dat daar aan (3) die Wet op Beskerming van Persoonlike Inligting 4 van 2013 (POPIA) voldoen word. Kliek hier vir meer inligting.

4. Fokus Areas

Waarop kan jy fokus? Hier is ‘n paar idees.