Sondagaand 28 April het Helderberg se eerste kultuuraand gesien van die jaar te Harmonie Dameskoshuis. Ten spyte van min ondersteuning het ons manne hulself goed van hul taak gekwyt en die beeldskone dames behoorlik beïndruk asook die aand met al haar ryk kulturele items waardeer.

Hoogtepunte van die aand was natuurlik ons eie Justin Chris “Jug” #shutyourmouth #awe,vertel inappropriate grappies Viljoen wat as Kaas-en-Wyn-fees-geïnspireerde seromoniemeester opgetree het. Keegan Bentley se weergawe van Hallelujah het ook vele dames na hul asems laat snak asook Benedict “Bands” Sauer se rap wat die aand ‘n bietjie van ‘n moderne gevoel gegee het. Die res van die manne se items was natuurlik ook van top-klas gehalte.

Verder doen ons beroep op die res van die Republiek om die kulturele aangeleenthede by te woon in die toekoms. Jy kan enige iemand vra wat daar was en almal sal kan getuig dat dit voorwaar ‘n lekker aand was. Ons beoog om in die kwartaal ‘n teater skakel met ‘n dameskoshuis te reel. Kaartjies sal nie meer as R30 wees nie en beloof om baie prêt te wees. Kom gee asseblief jou naam by NouPoort kamer 2 op indien jy belangstel.

So die tyd vir Derby week 2013 het aangebreek.  Hierdie jaar gaan 'n bietjie meer events wees wat plaasvind deur die week.  Kom wys jou gesig en gees gerus en ondersteun ons manne op die verskeie plekke waar hulle deelneem.  Hier is n program vir wat die week gebeur: