Die befondsing sal die Afdeling Ontwikkeling en Alumnibetrekkinge in staat stel om gevorderde vooruitsignavorsingsinstrumente te ontwikkel om innovasie, navorsing en opvoedkundige uitnemendheid suksesvol aan die US te dryf.

Die navorsingsinstrumente beoog om potensiële internasionale skenkers akkuraat te identifiseer, te verstaan en te betrek. Dit sal ook die Afdeling in staat stel om langtermynverhoudings te identifiseer en te ontwikkel met skenkers wie se belange ooreenstem met die US se missie en visie.

"Deur ons span met hierdie instrumente toe te rus, kan ons ons uitreikpogings vergroot, ons skenkerbetrokkenheidsprosesse vereenvoudig en uiteindelik die nodige befondsing verseker om ons strategiese doelwitte te ondersteun," sê David Marupen, Direkteur van Fondswerwing by die Afdeling Ontwikkeling en Alumnibetrekkinge.

Marupen het sy dankbaarheid teenoor CEFF uitgespreek vir hul bydrae wat die Afdeling sal help om 'n volhoubare en impakvolle wêreldwye fondswerwingsveldtog te verwesenlik.

"Die befondsing sal nie net ons navorsingswerk versterk nie, maar dit sal ook ons pyplyn van geskikte voornemende skenkers in filantropie ontwikkel. Ons is vreeslik dankbaar teenoor die Carl & Emily Fuchs-stigting vir hul begrip van die belangrikheid van ons fondswerwingspogings."

Dr Riaan Els, Uitvoerende Hoof van die Stigting, het gesê dit is belangrik om die nuutste gereedskap en tegnologie te gebruik in 'n toenemende mededingende befondsingsomgewing en te midde van die komplekse uitdagings om hulpbronne te mobiliseer en fondse in te samel, veral van internasionale bronne. Hy wens die Ontwikkeling en Alumnibetrekkinge-span sterkte toe in hul pogings om "professionele ontwikkeling te handhaaf, konsekwent 'voor die kurwe' te bly en uitnemendheid in hoër onderwysfondswerwing in die land na te streef".