Danksy ’n ruim bewilliging deur die Epoch en Optima Trusts sal RESEP – ’n groep navorsers in die Departement Ekonomie wat op sosioekonomiese beleid fokus – nou ’n vyfjaarprogram in navorsing onderneem wat sal fokus op die veelsydige onderwerp van onderriggapings in die Suid-Afrikaanse skoolstelsel.

Toe Lwandiso Botozo sy MA in Visuele Kunste (cum laude) by die Desember 2023-gradeplegtigheid ontvang, was dit nie net ’n bewys van sy merkwaardige deursettingsvermoë nie, maar ook vir die mense, die lewendes en dié wat reeds oorlede is, wat hierdie prestasie moontlik gemaak het.

Nadat sy 'n uitmergelende 600 km oor ses dae met 'n geskeurde heuplabrum en die ondersteuning van haar vier kinders – insluitende haar jongste wat net 12 jaar oud is – gery het, is dr Marietjie Lutz, 'n eerstejaardosent in chemie, goed op koers om  voorgraadse studente wat finansiële uitdagings in die gesig staar, te help.

As dertienjarige was Efrayim Els die jongste fondswerwer om die onlangse Kaapstad-fietstoer ten bate van die Universiteit Stellenbosch se #Move4Food-inisiatief te voltooi.

Die Hans Merensky Erfenisstigting het onlangs ’n tweede fase van die Hans Merensky-leerstoel in Gevorderde Modellering van Bloekomhoutproduksie (EucXylo) aan die Universiteit Stellenbosch befonds. 

Die Regskliniek van die Universiteit Stellenbosch doen wonderlike werk in gemeenskappe in die Wes-Kaap en oor die hele land heen. Om dit te kan doen steun die US Regskliniek op skenkings en hulp van diegene binne die alumni-netwerke.