US Music

Philippus Hugo behaal die grade BMus, BMus (Hons) en MMus (cum laude) in klavier aan die Universiteit Stellenbosch onder leiding van Juliana de Villiers. Hy maak sy solodebuut met die Kaapse Filharmoniese Orkes op sestienjarige ouderdom en tree tydens sy studentejare verskeie kere saam met die KFO, Natal Filharmoniese Orkes en Universiteit Stellenbosch Simfonieorkes op.

In 1992 word hy aangestel as amptelike begeleier by die Hugo Lambrechts Musieksentrum. Ná 5 jaar aanvaar hy ’n pos as musiekonderwyser by Rustenburg Primary School en in 2001 word hy as begeleier aangestel by die Universiteit Stellenbosch, waar hy steeds werksaam is.

Hy is sedert 1994 een van die amptelike begeleiers vir die ABSA Nasionale Kompetisie vir hoërskoolleerlinge en ’n gereelde begeleier van die Sanlam Laerskoolkompetisie, ATKV Musique, Artscape-kompetisie en Unisa Oorsese Beurskompetisie, asook vryskutbegeleier by verskeie nasionale kunstefeeste soos Klein Karoo Klassique (KKK), Darling Voorkamerfees, Die Vryfees, Fynarts Hermanus Fees en die Greyton Genadendal Classics For All. Vanaf 2012 tot 2015 tree hy as amptelike begeleier vir die ATKV Muziqanto-kompetisie op.

In 2011 word hy gevra om by die Maputo Internasionale Musiekfees saam met die Amerikaanse sangers Kennethia Mitchell en Lawrence Craig Jr. op te tree. Hy word voorts genooi om deel te neem aan die Harare Musiekfees wat gedurende September 2012 in Zimbabwe plaasgevind het. Philippus keer gedurende Mei 2014 weer terug na Maputo as gaskunstenaar vir hulle klassieke musiekseisoen, waar hy die sang en instrumentale begeleiding behartig. Vir die 2016 Maputo Internasionale Musiekfees tree hy op as samesteller en begeleier van twee opera-uitvoerings met plaaslike sangers saam met die Maputo Jeugkoor.

Sedert 2013 word hy deur die ATKV aangestel as programsamesteller en koördineerder vir die konserte wat die onderskeie wenners van Muzique en Muziqanto as deel van hul wenstatus moet uitvoer. Dit sluit in die Galakonsert as deel van die Greyton Genadendal Classics for All, 2014 en 2016 US Woordfees, Oude Libertas Konsertreeks, Nederburg en La Motte se konsertreekse, asook die soirées vir die Sandton Summerplace-konsertreeks. Verder was hy verantwoordelik vir die samestelling en begeleiding vir die openingskonserte vir 2013 tot 2015 se KKK. Vir die openingskonsert van die 2013 KKK word Philippus, saam met Minette du Toit-Pearce en die US Perkussie Duo, benoem vir ’n kykNET Fiesta vir die beste klassieke konsert gedurende ’n nasionale fees.

Philippus is deur Unisa genader om as eksaminator op te tree. Hy is aangestel om die George Loerie Eisteddfod in 2014 en 2016 te beoordeel, so ook die Riversdal en die Tygerberg eisteddfods. In 2016 tree hy op as beoordelaar van die klavierafdeling tydens die Stellenbosch Kunswedstryd. Hy is ook ’n bedrewe sjef en die mede-eienaar van die restaurant Driefontein en 254 Catering op Caledon in die Overberg.

erikdip@gmail.com

In 2003 Erik Dippenaar obtained the degree BMus (cum laude) from the University of Stellenbosch, and was awarded a MMus (with distinction) by the Royal College of Music in London in 2007. The following year he completed an Artist Diploma in Performance at the Royal College under Jane Chapman (harpsichord) and Geoffrey Govier (fortepiano).
As a student in South Africa, Erik won most of the important music competitions, including the ABSA National Youth Music Competition (2000), UNISA National Organ Competition (2001), Mabel Quick Bursary Competition (2001), ATKV Musiq Competition (2002), the organ category of Distell Music Competition (2002) and the Unisa Overseas Bursary competition (2003).
From 2005 to 2011 Erik was based in London, where he played in various important early music festivals such as the Greenwich Early Music Festival, the London Handel Festival, the Brighton Early Music Festival and the Trigonale Festival der Alten Musik. His primary activity is chamber music and he has performed regularly with Florilegium, The London Handel Players, l’Avventura London, Amaranthos and Spirituoso.  Erik’s work for Florilegium has led to collaborations with singers such as dame Emma Kirkby, Robin Blaze, Johanette Zomer and Gillian Keith. He also worked with the English Touring Opera, the Little Baroque Company and Ensemble Serse on a regular basis.
While in Londen, Erik gave regular solo recitals, which included a recital for the British Harpsichord Society, as well as regular broadcasts for BBC Radio 3. In 2010 he made his debut in the Concertgebouw in Amsterdam.
Erik was one of the official accompanists for the annual London Handel Singing Competition, and in March 2008 he was awarded the competition’s Accompanist’s Prize. He won the RCM Early Music Competition twice, and was a member of the group Musici Infaticabili, who won the Broadwood Early Keyboard Ensemble Competition in Fenton House in May 2008. During 2008/2009 Erik was appointed as Mills/Williams Junior Fellow at the RCM, and he taught harpsichord at the Centre for Young Musicians in London.
Erik is currently Artistic Director of the Cape Town-based baroque orchestra Camerata Tinta Barocca, a member of the period ensemble The Cape Consort and a part-time lecturer in music history and historical performance practice at the University of Cape Town. In 2021 he completed a PhD in music at UCT, focusing on the role historical domestic keyboard instruments played in the colonisation process in Southern Africa.

mioanna506@gmail.com

Ioanna Matei is deeltydse dosent in hobo aan die Universiteit Stellenbosch, die Universiteit van Kaapstad se Suid-Afrikaanse Musiekkollege, en die Beau Soleil Musieksentrum in Kenilworth.

Matei is in Roemenië gebore, en het op die ouderdom van veertien hobo onder die legendariese Pavel Tornea aan die Boekarest Musiekskool begin studeer. Sy matrikuleer in 1972 en verwerf ʼn Baccalaureus-diploma (met lof) met hobo as hoofvak. Hierna studeer sy hobo onder Radu Chisu (internasionaal bekroonde hobospeler) aan die Boekarest Konservatorium vir Musiek, en verwerf ʼn Meestersgraad in hobo-uitvoering (cum laude). Gedurende haar studies het Matei in verskeie kamermusiekgroepe gespeel asook in die simfonieorkes van die Boekarest Konservatorium.

Na haar studies word sy as hobo-onderwyser by die Boekarest Musiekskool aangestel, en tree ook op as permanente ekstra speler in die Romeense Radio- en Televisiesimfonieorkes. In 1980 verwerf sy die Hoër Onderwysdiploma in Hobo (met lof) en gee musiekonderrig tot 1985, waarna sy Roemenië verlaat.

Met haar koms na Suid-Afrika in 1985, vestig sy haar mettertyd as ʼn toonaangewende hobo-onderwyser in Kaapstad. Haar studente spog met talle onderskeidings in Royal Schools of Music-eksamens, eisteddfods en kompetisies, sommige speel eerste hobo in orkeste soos die Suid-Afrikaanse Nasionale Jeugorkes, die Stellenbosch Internasionale Kamermusiekfees, die Miaggi, die Kaapse Filharmoniese Jeugorkes en die universiteitsorkeste van Stellenbosch en Kaapstad. Hiernaas tree hulle ook as ad hoc-spelers op saam met die Kaapse Filharmoniese Orkes.

Liam.saxophone@gmail.com

Liam Burden behaal ʼn BMus en BMus Honneurs (cum laude) aan die Universiteit Stellenbosch. Hy ontvang opleiding in saksofoonuitvoering onder Darryl Walters. Tydens sy honneursjaar het Liam die geleentheid gekry om saksofoon onder dr. Michael Ebrahim en musiekuitvoering onder dr. Mitchell Arnold aan die Universiteit van Wes-Virginië in die VSA te studeer. In samewerking met die komposisiedepartement, dirigeer Liam met sukses die eerste KOMPOS-konsert, waaronder werke gekomponeer deur studente vir die geleentheid. In 2009 tree Liam in samewerking met die dramadepartement van die Universiteit Stellenbosch op as musikale regisseur vir die produksie getiteld Brothers.

Liam is sedert Januarie 2012 ʼn personeellid van die Hugo Lambrechts Musieksentrum waar hy saksofoon en klarinet onderrig. Hy is dirigent van die Hugo Lambrechts Simfonieorkes.

drawalters@gmail.com

Darryl Walters ontvang sy musiekopleiding in Kneller Hall, Londen, onder die hoofklarinetspeler van die Covent Garden Operahuis, Maurice Cody. Daarna spandeer hy drie jaar in Detmold, Duitsland, waar hy vir die Royal Scots Grey-orkes speel en regdeur Europa toer. Ná sy militêre diens skryf hy in by die Guildhall Musiekskool en ontvang onderrig in klarinet onder Wilfred Kealey, basklarinet onder Stephen Trier, saksofoon onder Mickael Krien en fluit onder Jane Davis. Hierna toer hy saam met verskeie orkeste en sit sy studies voort onder wêreldbekende klarinetspelers en hoofklarinetspeler van die BBC Simfonieorkes, Jack Brymer.

Met sy koms na Suid-Afrika, speel hy vir ses jaar in die Kaapse Simfonieorkes en daarna vir tien jaar in die KRUIK-orkes. Hy speel ook as ad hoc-lid vir die SAUK-orkes en Durbanse orkes. Hoogtepunte uit sy loopbaan as uitvoerende kunstenaar sluit in toere saam met die sangsensasie Natalie Cole, asook opnames vir van die vroeë televisieprogramme en die uitvoering van Artie Shaw se klarinetkonsert.

Darryl Walters was ʼn stigterslid van die Hugo Lambrechts Musieksentrum waar hy hoof was van die houtblaasdepartement sedert die ontstaan van die skool in 1986 tot en met sy aftrede. Hy was dirigent van die “Swing Band” gedurende sy tyd by die musieksentrum. Talle van sy studente het uiteindelik professionele uitvoerende kunstenaars en musiekonderwysers geword, nie slegs in Suid-Afrika nie, maar wêreldwyd. Walters is steeds aktief betrokke by musiekonderrig in Kaapstad en omliggende gebiede en doseer saksofoon aan die Universiteit Stellenbosch.

lerienne@gmail.com

Lerienne se passie vir fluit begin tydens haar onderrig onder Liesl Stoltz, en sy voltooi uiteindelik haar BMus (cum laude) in 2011 onder Stoltz aan die Universiteit van Kaapstad, waar sy ook op die dekaan se merietelys vir akademiese prestasie verskyn. Roux voltooi in 2015 haar MMus (cum laude) aan die Universiteit Stellenbosch onder professor Corvin Matei.

Roux het reeds saam met verskeie orkeste opgetree, onder andere as solis saam met die universiteite van Kaapstad en Rhodes se orkeste. Hierbenewens was sy deel van musiekopnames vir ʼn hele aantal plaaslike film- en musiekproduksies.

Lerienne Roux begin haar loopbaan as musiekonderwyser in 2010 en onderrig musiek by verskeie skole en instansies.

benedetta@oliomio.co.za

Benedetta Lami is gebore in Rome. Na haar skoolopleiding het sy studies in Politieke Wetenskap aan die Universiteit van Florence voltooi, en was terselfdertyd ‘n tutor en gasvrou vir mode-voorstellings en konferensies, asook verbonde aan verskillende instansies in Rome en Milaan. Sedert 2008 doseer sy Italiaans aan die Dante Alighieri-skool in Stellenbosch, en sedert 2010 ook Italiaans vir sangers aan die Universiteit van Stellenbosch. Benewens Italiaans is sy ook Frans en Engels magtig, sowel as basiese Spaans.

Haar liefde vir musiek is ‘n familie-aangeleentheid: haar grootoupa, Maestro Marco Falgheri (1872-1919), was ‘n violis, dirigent en komponis.

laurendasappa@sun.ac.za

Lauren Dasappa, gebore in Durban, is ’n dinamiese en toegewyde musikale kunstenaar wie se uitvoerings gehore diep raak en tot mense van alle agtergronde spreek.

Dasappa het verskeie operarolle vertolk, insluitende gevierde optredes as Papagena in Mozart se Die Towerfluit en Grietjie in Humperdinck se Hansie en Grietjie. Verder het sy ook in heelwat oratorium- en barokuitvoerings opgetree. Dasappa handhaaf ’n uitgebreide konsertrepertorium van standaard- en moderne werke en wy haarself veral aan die herlewing van kunslieduitvoering in Suid-Afrika.

Lauren Dasappa verskyn gereëld saam met filharmoniese orkeste landswyd en het gevolglik by groot nasionale en internasionale geleenthede opgetree. Hoewel klassiek opgelei, beperk sy haarself nie net tot hierdie genre nie. Buitendien blink sy op die terrein van populêre musiek uit en is reeds as voorgraadse student ’n internasionale opnamekontrak deur Universal Studios aangebied. Sedert haar aanstelling as sangdosent by die Universiteit van Stellenbosch in 2014 het Dasappa reeds verskeie kere plaaslik opgetree, onder andere as sopraansolis in Mendelssohn se Elija en Brahms se Ein Deutsches Requiem. Haar optredes sluit solo-uitvoerings en uitvoerings saam met ander kunstenaars in.

Dasappa bied vokale werksessies aan en rig vokale ensembles en soliste vir groot produksies af. Sy is ook ‘n gerespekteerde beoordelaar en eksaminator by kunswedstryde en universiteite. Haar toewyding as kunstenaar en leermeester vind nie net neerslag in haar eie konsertloopbaan nie maar ook in die uitstekende prestasies van haar studente.

jolenemccleland@gmail.com

Die Suid-Afrikaanse mezzosopraan Jolene McCleland het musiek en sang aan die Universiteit Stellenbosch studeer (BMus cum laude) en ʼn nagraadse diploma in opera (met onderskeiding) behaal aan die Weense Konservatorium vir Musiek in Oostenryk. Sy is in Januarie 2015 aangestel as sangdosent aan die Universiteit Stellenbosch.

Jolene het in 2005 haar Europese debuut gemaak as Kain se Lam in die Europese premiere van Tsippie Fleischer se Kain en Abel in die Semperdepot, Wene. Sedertdien het sy verskeie rolle gesing, onder meer Dorabella in Cosí fan tutte, Cherubino in Die huwelik van Figaro, die Tweede Vrou in Die Towerfluit (Japannese Toer), Nancy in Britten se Albert Herring, Dido in Purcell se Dido en Aeneas en Hänsel in Humperdinck se Hansie en Grietjie. Jolene is ʼn opkomende spesialis in die moderne operawêreld met haar vertolking van Die Spinne in Max Nagl se wêreldpremiere van die opera Camilo Chamäleon; sy was ook die solis in Titus Hollweg se weergawe van Milhaud se Opéras-Minutes, uitgevoer tydens die Korintiese Musiekfees (Oostenryk) in 2011. In 2011 vertolk sy ook die rol van koningin Gertrude in ʼn opname van die opera Hamlet deur die bekende kontemporêre Amerikaanse komponis, Nancy van de Vate, begelei deur die Morawiese Filharmoniese Orkes.

Sy is ʼn bekroonde vertolker van die Lied, en het onlangs tydens ʼn Liederaand saam met die Schubertbund-koor in die Goue Saal van die Weense Musiekvereniging opgetree. Sedert 2012 tree sy gereeld as solis op saam met die Johann Strauss Ensemble in Oostenryk, Turkye, Kroasië en Algerië.

McCleland is ʼn gesogte altsolis vir oratoriums, en sy gee gereeld uitvoerings in die bekende katedrale in Wene, Oostenryk. In Desember 2013 val die eer haar te beurt om die altsolo uit te voer in Händel se Messias saam met die Sloweense Radio-orkes in die Cankarjev-kerk, Ljubljana.

In Oktober 2014 vertolk sy die rol van Elektra tydens die Oostenrykse debuut van Michael Trojahn se bekroonde opera Orest by die Museumsquartier in Wene. In 2015 word sy uitgenooi om Mendelssohn se Elia saam met Brandon Phillips en die Koor en Orkes van die Nuwe Apostoliese Kerk uit te voer. Sy het reeds drie wêreldpremières tydens die Komposimposium uitgevoer, by name die werk van Antoni Schonken, Keith Moss en Hans Roosenschoon. Haar werk Mood Swings – roles of a Mezzo debuteer in die Endlersaal. Hierbenewens het sy ook saam met Niël Rademann en die Stellenbosse Stadsorkes onder leiding van Paul Loeb van Zuilenburg by Lourensford Wynlandgoed opgetree. In 2016 tree sy weer saam het hulle op as solis by die Oude Libertas Amfiteater, terwyl haar vertoning A Viennese Affair, met Wilken Calitz en Elna van der Merwe, tydens die US Woordfees uitgevoer is.

aehuyssen@sun.ac.za

Antoinette Huyssen verwerf ʼn MMus (cum laude) in klassieke sang onder Brad Liebl en Virginia Davids aan die Universiteit van Kaapstad. Sy is tans ʼn deeltydse dosent in gehooropleiding asook stemafrigter by die Universiteit van Kaapstad se Suid-Afrikaanse Musiekkollege, en gee ook privaat sanglesse. Sy word in 2016 aangestel as deeltydse sangdosent aan die Universiteit Stellenbosch. In 2001 verwerf Blyth haar BMus in klavier (onder Francois du Toit) en kitaar (onder Michael Hoole) aan die Universiteit van Kaapstad, waarna sy klavier, kitaar, sang, koor en musiek as vak by verskeie Kaapse skole aanbied. In 2003 is sy studentedirigent van die Drakensberg Seunskoor, en van 2006 tot 2012 dirigent van die Kaapstadse Filharmoniese Koor. Blyth tree gereeld in oratoriums en solo-uitvoerings op, is lid van die vroeë musiek-ensemble, Cape Consort, en ook assistent-dirigent van die Kaapse Solistekoor.