Uncategorized @af

Janel Speelman is verteenwoordigend van die opkomende jonger geslag van Suid-Afrikaanse soprane wat hulle toelê op opera en kunslied. Onlangse uitvoerings sluit in dié tydens die Suidoosterfees, sowel as Niel Rademan se Heldinne-program tydens die Woordfees in Stellenbosch. Ms Speelman is ‘n alumnus van die Universiteit van Kaapstad, waar sy ‘n BMus-graad, en ‘n honneursgraad in kunsmusiek verwerf het, asook ‘n nagraadse diploma in opera, onder leiding van Proff Virginia Davids en Kamal Khan. Daarbenewens beskik sy oor ‘n meestersgraad van die Universiteit van Michigan se musiekskool. Ms Speelman is uitgenooi om op te tree tydens dié skool se prestigeryke jaarlikse uitvoering in die Kennedy Sentrum. Tydens haar studietyd daar het sy die Andrea Person- en George Shirley-beurstoekennings verower.

Die fluitis Bridget Rennie-Salonen (PhD LicAE LRSM PGDip BA) is is lid van die internasionale Musicians’ Health Literacy Consortium, asook ‘n navorsingsgenoot van, en deeltydse dosent aan die Universiteit van Stellenbosch. Sy is ‘n gesogte fluitonderwyser, en etlike van haar studente het nasionaal en internasionaal  uitgeblink, en beklee poste in Suid-Afrikaanse orkeste. As solo eerste fluitis van die Kaapstadse Filharmonie en eerste fluitis van die Kaapstadse Feesorkes is sy aangewys as die wenner van die Ben & Faye Carklin-toekenning vir artistieke uitnemendheid, asook ander toekennings soos Fiësta, Silver Ovation, en die Oppenheimer-gedenktrust-toekenning. As vryskut-solis het sy opgetree saam met etlike plaaslike orkeste, en is permanente eerste fluitis van die Vrystaatse Simfonieorkes en fluitis van die Camerata Tinta Barocca, Suid-Afrika se voorste ensemble vir vroeë musiek.

martensp@sun.ac.za 

Peter Martens verwerf ’n meestersgraad aan die Universiteit van Kaapstad en ’n doktorsgraad aan die Universiteit Stellenbosch, waar hy in sy vormingsjare onder Dalena Roux se leiding studeer het alvorens hy onder Heidi Litschauer aan die Mozarteum in Salzburg studeer het. In 1993 keer Peter terug na Suid-Afrika en beklee posisies as leiertjellis vir die New Arts Philharmonic Pretoria en die Kaapstad Filharmoniese Orkes, voor hy by die Universiteit Stellenbosch aangestel word waar hy tans die direkteur van die Stellenbosch Internasionale Kamermusiekfees is. Hy is lid van die Amici Strykkwartet, geniet kamermusiek saam met onder meer Leon Bosch (kontrabas), David Juritz (viool), Benjamin Schmid (viool) en Leslie Howard (klavier), en het al saam met die Brodsky Strykkwartet in Londen opgetree. Concerto-optredes het gelei tot samewerking met ’n verskeidenheid knap dirigente soos Victor Yampolsky, Bernard Gueller, Douglas Boyd, Wolfram Christ, Nicholas Cleobury en Jonas Alber. Hy het deelgeneem aan feeste in Rusland, Holland, Oostenryk, Zimbabwe, Mosambiek en Portugal en het ook al in die Verenigde Koninkryk en Verenigde State van Amerika opgetree. Baie Suid-Afrikaanse komponiste het werke vir hom gekomponeer, waarvan die belangrikste die Tjellokonsert deur Allan Stephenson, wat hy vir Meridian Records saam met die Kaapse Filharmoniese Orkes opgeneem het. Hy het die Bach Tjello-suites en Beethoven Tjellosonates vir TwoPianists Records opgeneem. Peter het onlangs ’n baroktjello bekom vir sy optrede saam met L’Orfeo Baroque ter viering van dr. Barry Smith se 50 jaar van musiekmaak in Kaapstad.

Hy is getroud met die violis, Suzanne Martens, en hulle het twee dogters.

Babette Roosenschoon (MMus, LLB) is ‘n tjellis wat plesier put uit ‘n loopbaan as uitvoerder, onderwyser en dosent. Babette beskik oor ‘n MMus-graad in uitvoering wat sy aan die Universiteit van Stellenbosch, onder leidiing van Dalena Roux verwerf het. Haar vroeë vorming as tjellis het ook gebaat by tjellis Human Coetzee aan die NWU-Konservatorium in Potchefstroom. Haar studies is verder voortgesit aan die Mozarteum in Salzburg (Oostenryk), onder die leiding van Heidi Litschauer, en sy het ook nagraadse opleiding aan die Universiteit  van Noord-Texas van wyle Eugene Osadchy en Barok-tjelloklasse van Allen Whear ontvang.

Babette het op 24-jarige ouderdom ‘n tjello-pos aan die Kaapstadse Filharmonie bekom, wat sy vir 8 jaar beklee het, en tot belangrike hoogtepunte gelei het, soos optredes saam met talle internasionale kunstenaars, waar onder kunstenaars soos Joshua Bell, Andrea Bocelli, Mischa Maisky en Sarah Chang.

In 2017 het Babette as deeltydse dosent aangesluit by die Musiekdepartment aan die Universteit van Stellenbosch. Haar benadering tot tjello-onderrig  behels ‘n unieke onderrigfilosofie, met klem op die ontwikkeling van ‘n musiekbewustheid en tegniese kundigheid, beginsels wat haar – danksy haar onlangse verwerwing van die LLB-graad – in staat stel om  ook die musiekindustrie beter te verstaan.

As kamermusikus is Babette lid van Juliet Strykkwartet en ad hoc-lid van die Camerata Tinta Barocca, en tjellis in die Kaapstadse Filharmoniese Orkes.

As lid van die onlangs gestigte Suid-Afrikaanse Strykerstigting  onderneem sy om die saak van samewerking tussen strykers en die ontwikkeling van strykersvaardighede in Suid-Afrika te bevorder.

josedias351@gmail.com

Die Portugees-gebore pianis, José Dias, reis in 2001 vir die eerste keer na Suid-Afrika om in te skryf aan die Universiteit Stellenbosch, waar hy sy BMus Honneurs cum laude behaal. Daarna sit hy sy studies voort aan die Hochschule für Muzik und Theater in Zürich (Switserland), waar hy sy Konzertdiplom met onderskeiding verwerf.

In 2007 word José aangestel as repetiteur by Kaapstad Opera (KSO), waar hy KSO-kunstenaars in talle konsertoptredes begelei en ook betrokke was as repetiteur en vokale afrigter in produksies wat wissel van Monteverdi tot Gershwin en Heggie. Hy is nog steeds ’n gereelde medewerker en gaskunstenaar saam met KSO, mees onlangs en veral as musikale regisseur en pianis van die African Angels-produksie, wat sedert 2013 plaaslik en internasionaal getoer en groot byval gevind het.

In 2011 sit hy sy reeds merkwaardige vryskutloopbaan as uitvoerende kunstenaar voort waar hy gesien kon word as gereelde teenwoordigheid in al die groot konsertsale in Suid-Afrika sowel as op feeste soos Aardklop, KKNK, Klein Karoo Klassique en die US Woordfees. In die afgelope paar seisoene het internasionale optredes hom geneem na Portugal, Israel, Switserland, België en Oostenryk, met ’n uitgebreide besoek aan Nederland en Duitsland, waar hy optree in gesogte sale soos die Berliner Philharmonie, Münchner Philharmonie, Beethoven in Bonn, Baden-Baden Festspielhaus, en talle ander.

Dias word ál gewilder as solis, kamermusikant en begeleier, en was ook die musikale regisseur van Biblioteek Produksies se operaverhoogproduksies Amore, Waansin en Poskantoor – laasgenoemde het die toekenning ontvang as beste produksie by Aardklop en ook twee Fiesta-toekennings en sewe nominasies. Hy was medeskepper en kurator van RISE, in samewerking met die Kaapse Filharmoniese Orkes – ʼn platform vir die vertoon van jong Suid-Afrikaanse klassieke talent – en is ook ’n ywerige ondersteuner van kontemporêre musiek, met die uitvoering van premières van werke deur komponiste soos Hendrik Hofmeyr, Alexander Johnson en Braam du Toit. Baie daarvan (sommige spesiaal vir hom geskryf) is opgeneem en op CD beskikbaar.

José Dias is tans besig met sy PhD (Musiek) aan die Universiteit van Kaapstad onder leiding van proff. Francois du Toit en Hendrik Hofmeyr, en is ’n deeltydse dosent aan die Universiteit van Kaapstad se Suid-Afrikaanse Musiekkollege.

elna@topshell.co.za

Elna van der Merwe was voltydse begeleier en deeltydse klavierdosent aan die Konservatorium van die Universiteit Stellenbosch tot 2001. Sedertdien is sy ad hoc-pianis en gesogte gesamentlike kunstenaar vir sowel plaaslike as internasionale kunstenaars soos Michelle Breedt (mezzo-sopraan), Douglas Masek (saksofoon), Maria Kliegel (tjello) en Susan Milan (fluit).

Elna studeer klavier en orrel aan die Universiteit Stellenbosch en wen verskeie toekennings, stipendia en kompetisies. Sy tree as solis saam met verskeie nasionale orkeste op.

Plaaslike instrumentaliste en sangers saam met wie sy gereeld optree is Zanta Hofmeyr, Zanne Stapelberg, die Suid-Afrikaanse Soprane, Niël Rademan, Maria du Toit, Liesl Stolz, Peter Martens en Suzanne Martens. In Mei 2011 tree sy as pianis saam met Zanta Hofmeyr in Malta op. Sy begelei ook die Libertas-koor tydens hul toere na België en die VSA.

Sy is bekroon deur Samro uit dankbaarheid en in erkenning vir haar voortreflike diens as begeleier by die Oorsese Beurskompetisies. Sedert 1990 het sy in al die Unisa Internasionale Kompetisies vir sang, strykers en, meer onlangs, ook vir fluit en klarinet, as begeleier opgetree.

As veelsydige pianis het sy saam met Zorada Temmingh as deel van The Blondes-klavierduet in twee klavierverwerkings opgetree by al die groot kunstefeeste in Suid-Afrika. In 2011 het The Blondes optredes in Israel en Londen gehad. Sy het baie CD’s en DVD’s saam met verskillende kunstenaars opgeneem en het op die beoordelaarspaneel van verskeie musiekkompetisies gedien.

Philippus Hugo behaal die grade BMus, BMus (Hons) en MMus (cum laude) in klavier aan die Universiteit Stellenbosch onder leiding van Juliana de Villiers. Hy maak sy solodebuut met die Kaapse Filharmoniese Orkes op sestienjarige ouderdom en tree tydens sy studentejare verskeie kere saam met die KFO, Natal Filharmoniese Orkes en Universiteit Stellenbosch Simfonieorkes op.

In 1992 word hy aangestel as amptelike begeleier by die Hugo Lambrechts Musieksentrum. Ná 5 jaar aanvaar hy ’n pos as musiekonderwyser by Rustenburg Primary School en in 2001 word hy as begeleier aangestel by die Universiteit Stellenbosch, waar hy steeds werksaam is.

Hy is sedert 1994 een van die amptelike begeleiers vir die ABSA Nasionale Kompetisie vir hoërskoolleerlinge en ’n gereelde begeleier van die Sanlam Laerskoolkompetisie, ATKV Musique, Artscape-kompetisie en Unisa Oorsese Beurskompetisie, asook vryskutbegeleier by verskeie nasionale kunstefeeste soos Klein Karoo Klassique (KKK), Darling Voorkamerfees, Die Vryfees, Fynarts Hermanus Fees en die Greyton Genadendal Classics For All. Vanaf 2012 tot 2015 tree hy as amptelike begeleier vir die ATKV Muziqanto-kompetisie op.

In 2011 word hy gevra om by die Maputo Internasionale Musiekfees saam met die Amerikaanse sangers Kennethia Mitchell en Lawrence Craig Jr. op te tree. Hy word voorts genooi om deel te neem aan die Harare Musiekfees wat gedurende September 2012 in Zimbabwe plaasgevind het. Philippus keer gedurende Mei 2014 weer terug na Maputo as gaskunstenaar vir hulle klassieke musiekseisoen, waar hy die sang en instrumentale begeleiding behartig. Vir die 2016 Maputo Internasionale Musiekfees tree hy op as samesteller en begeleier van twee opera-uitvoerings met plaaslike sangers saam met die Maputo Jeugkoor.

Sedert 2013 word hy deur die ATKV aangestel as programsamesteller en koördineerder vir die konserte wat die onderskeie wenners van Muzique en Muziqanto as deel van hul wenstatus moet uitvoer. Dit sluit in die Galakonsert as deel van die Greyton Genadendal Classics for All, 2014 en 2016 US Woordfees, Oude Libertas Konsertreeks, Nederburg en La Motte se konsertreekse, asook die soirées vir die Sandton Summerplace-konsertreeks. Verder was hy verantwoordelik vir die samestelling en begeleiding vir die openingskonserte vir 2013 tot 2015 se KKK. Vir die openingskonsert van die 2013 KKK word Philippus, saam met Minette du Toit-Pearce en die US Perkussie Duo, benoem vir ’n kykNET Fiesta vir die beste klassieke konsert gedurende ’n nasionale fees.

Philippus is deur Unisa genader om as eksaminator op te tree. Hy is aangestel om die George Loerie Eisteddfod in 2014 en 2016 te beoordeel, so ook die Riversdal en die Tygerberg eisteddfods. In 2016 tree hy op as beoordelaar van die klavierafdeling tydens die Stellenbosch Kunswedstryd. Hy is ook ’n bedrewe sjef en die mede-eienaar van die restaurant Driefontein en 254 Catering op Caledon in die Overberg.

erikdip@gmail.com

In 2003 Erik Dippenaar obtained the degree BMus (cum laude) from the University of Stellenbosch, and was awarded a MMus (with distinction) by the Royal College of Music in London in 2007. The following year he completed an Artist Diploma in Performance at the Royal College under Jane Chapman (harpsichord) and Geoffrey Govier (fortepiano).
As a student in South Africa, Erik won most of the important music competitions, including the ABSA National Youth Music Competition (2000), UNISA National Organ Competition (2001), Mabel Quick Bursary Competition (2001), ATKV Musiq Competition (2002), the organ category of Distell Music Competition (2002) and the Unisa Overseas Bursary competition (2003).
From 2005 to 2011 Erik was based in London, where he played in various important early music festivals such as the Greenwich Early Music Festival, the London Handel Festival, the Brighton Early Music Festival and the Trigonale Festival der Alten Musik. His primary activity is chamber music and he has performed regularly with Florilegium, The London Handel Players, l’Avventura London, Amaranthos and Spirituoso.  Erik’s work for Florilegium has led to collaborations with singers such as dame Emma Kirkby, Robin Blaze, Johanette Zomer and Gillian Keith. He also worked with the English Touring Opera, the Little Baroque Company and Ensemble Serse on a regular basis.
While in Londen, Erik gave regular solo recitals, which included a recital for the British Harpsichord Society, as well as regular broadcasts for BBC Radio 3. In 2010 he made his debut in the Concertgebouw in Amsterdam.
Erik was one of the official accompanists for the annual London Handel Singing Competition, and in March 2008 he was awarded the competition’s Accompanist’s Prize. He won the RCM Early Music Competition twice, and was a member of the group Musici Infaticabili, who won the Broadwood Early Keyboard Ensemble Competition in Fenton House in May 2008. During 2008/2009 Erik was appointed as Mills/Williams Junior Fellow at the RCM, and he taught harpsichord at the Centre for Young Musicians in London.
Erik is currently Artistic Director of the Cape Town-based baroque orchestra Camerata Tinta Barocca, a member of the period ensemble The Cape Consort and a part-time lecturer in music history and historical performance practice at the University of Cape Town. In 2021 he completed a PhD in music at UCT, focusing on the role historical domestic keyboard instruments played in the colonisation process in Southern Africa.